مواطن مصرى .................؟!
إلى بنا مصر
كان فى الأصل
فلاحها وعملها
وعامل فول
عشان مش لاقى اكل غيره
واجيب غيره ده بس منين
وهمه يدوب 3 جنيه
ومش جيين
ويجوا إزاى
منا قاعد على القهوه
واما نقوم
مهو بح معدش فلوس
نسمع قالوا فى الأخبار
جاى تعيين
اروح الاقى على ابوابهم
شباب وقفين بالملايين
ما يتعين واحد منهم
بيتعيم قريب البيه
فبستغرب واسالهم
إمته يجى عليه الدور ..؟!
يقولى فوت بس مش بكره
كمان سنتين
ولف ودور على واحد
يكون يعرف جناب البه
أضحك واقوله
اجيبه منين
انا خالى مليش وسطاط
وخالى اصله كان عامل
مفيش حتى فى جيبه جنيه
وعمى فى الأساس فلاح
قاعد بالإجار فى الغيط
وابويه مات من الحصره
على المعاش
حتى إن عاش
مكان كفاه ولا يومين
فات من عمرى قول
مش فاكر
وانا واقف محلك سر
مش لاقى مكان اقعد ولا اسكن
ولا اجيب رغيف العيش
طب هوه فين
انا مش شيفه وإن شفته
وإن كنت فى يوم قادر
اجيبه إزاى
كتير وقفين هناك طوبير
وانا غلبان وجسمى نحيل
ما يستحمل خناق وزعيق
ولو فكرت اكون مياه
واتسرب ما بين الناس
اكيد هداس
فجاه الاقى حوليه
كتير وقفبن
يقولك حوش
جروح وخدوش
احس بدم على عينى
ابصلهم ....
ابص للععيش ....
وابكى على نفسى
والعن زمان ماشى بالمقلوب
من بعدها مشيت وجريت
رحت وجيت
ولو فكرت انى اقول كلمه
عشان حقى
اروح مخطوف
اموت م الخوف
ويضرب فيه قول عشرين او تلاتين
ما بين كف على شلوت
وكام خبطه ما بين رجليك
يخلونى نسيت اسمى
نسيت حته كمان شكل
بعد الخروج من المعتقل
محمود المصرى
