تخاريف واحد مخنوق منكم

يا عالم إرحمونا بقه إحنا زهقنا من كدبكم

البهايم بقلها سعر والمواطن بيموت فطيس

لم يعد شىء فى مصر إلا ابنائها فحافظوا علينا القانون يعاقب من يقتل "جموسه - حمار - خروف " بالحبس حسبى الله ونعم الوكيل إنما يموت كل يوم مئات فى حوادث " طرق - قطارات - عبارات " فما الحكم على من يهمل ويكون الضحيه من أبناء هذا الشعب الفقير الذى تعد هذه الوسائل المتاحه إليهم لديق يدهم وكم ثمن الضحيه وهل التعويض التى تصرفونه لهم يغنيهم عن أبنائهم وأبائهم من ضحايا إهمالكم المستمر

الى انتم فلحين فيه هوه واحد مسؤل كبير يطلع فى التلفزيون ويقول لن نترك الجانى مهما كانت سلتطه فلا احد فوق القانون هههه طيب فين " ممدوح سالم " يابتوع القانون وياترا المقصر فى حادث القطار هذه المره سيحاسب ولا ربنا يعلم بكل صراحه يمكن يلبسها واحد من الموظفين الغلابه من الأخر " كبش فدا " للبهوات الكبيره الواحد فقد الثقه فى كل حاجه الأسعار لن تزيد تانى يوم الأسعار تزيد الضعف لن يرفع الدعم عن السلع الأساسيه تانى يوم البنزين والجاز يزيد طيب كل ده كويس حنعتبر نفسنا عيشين فى كوكب تانى والبشاوات الى بيطلعوا يقولو الكلام ده عيشين فى كوكب غير الى أحنا عيشين فيه طيب قالو المواصلات مش حتزيد علشان زادت قبل كده ونيجى نركب نلاقى البيه " السواق " يقولك لأ البنديره زادت وعنده حق الجاز بقه بكام والزيت ولا عيزينه كمان يدفع لكم من جيبه ياظلمه، ففيوم حبيت اشوف بنفسى المواصلات التابعه للدوله زادت ولا لأ رحت ركبت المترو ههههههههه لقيت التذكره بقت بجنيه اه ياعالم يا كدابه طيب نجيب منين علشان ناكل ونركب ده بالنسبه للى بيشتغل طيب ال"7 مليون عاطل " يعملو ايه ارحمونا بقه أحنا زهقنا ربنا ينتقم من كل ظالم منتم لو بتقفوا علشان تركبو أتوبيس بالساعه والسعتين ولا رحت تجيب لعيالك بجنيه فول ولا تشترى لعيل لبس كنت عرفت احنا مالنا

فى النهايه أنا عارف ان كل الى انا بقوله ده ملهوش اى لزمه طول مهمه مرتحين وقاعدين فى التكيف وناس تانيه قاعده عشره فى غرفه واحده حيعملو زى التمثال بتاع الثلاث قرود " لا يرا لا يسمع لا يتكلم " ليه بقه علشان ما يتغضبش عليه وياخد بالجزمه ويرجع يقعد بس مش جنب الحيط فى فلا برده ده مهما كان فى يوم من الأيام ابنهم وبيقلهم الى تقمر بيه يباشا لو عايزنا نغيرك الشعب المقرف ده قبل ما تغمض عنيك وتفتحها نكون جبنالك عيال صغننه ولطيفه من الصين ولا يتكلموا فى سياسه ولا يقولو عيزين ولاكفايه ولا كرمتنا ولا اى حاجه وندى لولاد الكلب دول بالجزمه والى حيفتح بق أهله ويتكلم نعتقله السجون مفتوحه ولا نلفقله قضيه محترمه منخرجوش منها وولدنا الحلوين الى فى خدمه القانون طبعا فى خدمتك يعملو اى حاجه انتا نقمر بيه أو نحبسك عليه حد من الرجاله بتعنا يحتجزه ويهدده بالقتل هوه والى جيبينه

ههههههههههههههههههههههههههه سبحانك ياااااااااااااااااااااااااااااااااارااااااااااااااااااااااااااااااب

ولا كفايه كده خلى الواحد قاعد بكرامته يدافع عن اى حاجه يمكن يجى اليوم الى ربنا يهديهم ويحسوا ان أحنا اصحاب البلد دى مش مرتزقه ولا لاجئين فيها ربنا يسمحك يالى فى بالى

محمود المصرى