عظيمه يا مصر 5
123 _ 122 ما هى مهمتهم فى مصر ........؟
123 ده رقم الإسعاف طبعا الكل يعرفه ،122 ده كمان الناس كلها عرفاه بتاع النجده هل تعرفون ما معنى النجده ........؟
النجده هى التى تقوم بمساعده من يحتاج المساعده فى اى شىء استعلام عن مستشفيات الطوارىءالإستعلام عن اعطال الكهرباء وطبعا بيجو فى النصايب والمشاكل صح ده الى احنا كلنا عرفينه
الجديد بقه هوه الى انا سوف اخبركم به الأن ،فى تمام الساعه 4 فجرا من يوم الأربعاء الموافق 1/11 اتصل احد المواطنين بالإسعاف لإبلاغهم عن حاله تسمم لأحد المواطنين فكان الحوار كالأتى
السلام عليكم الأسعاف
ايوه خير
والله فى عندنا حاله تسمم ومحتاجين سياره اسعاف علشان توديه المستشفى
اسمك ايه ورقم تليفونك
ابلغهم باسمه ورقم تليفونه وعنوانه
طيب بص اتصل بالنجده على 122 وقلهم حولونى على 123 ماشى وقفلو السكه فى وش المتصل
فقام واتصل بالنجده
السلام عليكم ورحمه الله وبركاته النجده
وعليكم السلام ايوه خير
والله احنا عندنا حاله تسمم واتصلنا بالإسعاف خد البيانات وقلنا اتصل بالنجده وخليهم يحولوك علينا
تسمم تسمم
ايوه تسمم فى ايه الغريب فى كده
طيب بص تف فى بقه وهوه يفوق هاهاهاهاهاهاها
يا باشا حضرتك ده مش وقت تهريج بقول لحضرتك فى واحد بيوموت فاهم يعنى ايه واحد متسمم وبيموت
انت يالا اعمل الى بقولك عليه انت هتقرفنا على الصبح
وقفل السكه فى وش المواطن
ظل هذا المواطن حيران مش عارف يعمل ايه رجع اتصل بالإسعاف وقلهم على الى حصل فضلو يضحكو عليه وبعدين قفلو السكه
فاهتدا الى ان قام بحمل المريض واخذ سياره تاكس وذهب الى الإستقبال وكان يومها فى المستشفى العام الدولى بالمنصوره وكان المريض قد غاب عن الوعى نهائيا بمعنى اوضح ذهب فى غيبوبه لم يفق منها غير ثانى يوم وهو محجوز بالطابق الخامس قسم بطنه غرفه رقم 1511 وبكل امانه المستشفى قامت بعمل الازم على اكمل وجه لإنقاظ هذا المريض لكن لماذا لم تتحرك سيارات الإسعاف ولا سيارات النجده لإنقاظ هذا المواطن اريد اجابه صريحه من المسؤل عن هذا الموقف الذى يكاد يكون يتكرر اكثر من مره فى اليوم الواحد ام انهم يعملون وقتما يشاؤن ولمن يريدون الى متى يظل المواطن وروحه تتلاعب بها ايدى هؤلاء المستهترين الذين يعملون فى اماكن حساسه جدا لكن لا يعرفون هذا ويعتقدون انهم لا علاقه لهم بالمواطن الفقير تخيل لو كان المتصل ضابط اومستشار اواحد من رجال المال والأعمال كانوا سيتعاملون معه بهذا الأستخفاف كما فعلوا مع هذا الموطن الذى خدعه ظنه انهم سوف يتحركون لإنقاظ مواطن يحتاج الى عونهم
فليرحمنا الله ولينتقم من كل من يتلاعب بحيات المواطنين الفقراء
محمود المصرى
